სიახლეებიი

ოქტომბერი 1, 2021 პირველ ოქტომბერს, ეკონომიკური პოლიტიკის კვლევის ცენტრმა ლიეტუვის საპარლამენტო დელეგაციასა და ქართული არასამთავრობო ორგანიზაციების წარმომადგენლებს უმასპინძლა

პირველ ოქტომბერს,  ეკონომიკური პოლიტიკის კვლევის ცენტრმა  ლიეტუვის საპარლამენტო დელეგაციასა და ქართული არასამთავრობო ორგანიზაციების წარმომადგენლებს უმასპინძლა
პირველ ოქტომბერს, ეკონომიკური პოლიტიკის კვლევის ცენტრმა ლიეტუვის საპარლამენტო დელეგაციასა და ქართული არასამთავრობო ორგანიზაციების წარმომადგენლებს Stamba Hotel-ში, Fukuyama Democracy Frontline Centre-ის ოფისში უმასპინძლა.
შეხვედრის ფარგლებში არასამთავრობო სექტორის წარმომადგენლებმა და ლიეტუველმა პარლამენტარებმა საქართველოში ორი ოქტომბრის არჩევნების შესახებ ისაუბრეს და განიხილეს ის მექანიზმები, რომელიც ქვეყანაში სამართლიანი არჩევნების ჩატარებასა და დემოკრატიის განვითარებას შეუწყობს ხელს.
შეხვედრას ესწრებოდნენ ლიეტუველი პარლამენტარები:
🔹 ბ-ნი რაიმუნდას ლოპატა – “პოლიტიკური ჯგუფი ლიბერალების მოძრაობა”-ს წევრი, საქართველოსთან საპარლამენტთაშორისო ურთიერთობების ჯგუფის ხელმძღვანელი.
🔹 ქ-ნი პაულე კუზმიჩკიენე – “სამამულო კავშირი – ლიეტუვის ქრისტიან-დემოკრატიული პოლიტიკური ჯგუფი”-ს თავმჯდომარის მოადგილე; ნაციონალური ისტორიული მეხსიერებისა და თავისუფლების კომისიის თავმჯდომარე; საქართველოსთან საპარლამენტთაშორისო ურთიერთობების ჯგუფის წევრი.
🔹 ბ-ნი გიედრიუს სურპლისი – ლიეტუველი ფერმერებისა და მწვანეთა კავშირის პოლიტიკური ჯგუფის წევრი; საქართველოსთან საპარლამენტთაშორისო ურთიერთობების ჯგუფის წევრი.
🔹 ქ-ნი ვილია თარგამაძე – ლიეტუვის სოციალ-დემოკრატიული პარტიის პოლიტიკური ჯგუფის წევრი; საქართველოსთან საპარლამენტთაშორისო ურთიერთობების ჯგუფის ხელმძღვანელის მოადგილე.
🔹 ბ-ნი ანდრიუს ვიჩნიაუსკასი – სამამულო კავშირი – ლიეტუვის ქრისტიან-დემოკრატიული პოლიტიკური ჯგუფის წევრი; ევროპული საკითხების კომიტეტის წევრი; საქართველოსთან საპარლამენტთაშორისო ურთიერთობების ჯგუფის წევრი.