სიახლეები

23 ივნისს ეკონომიკური პოლიტიკის კვლევის ცენტრმა (EPRC) ისრაელის ელჩს საქართველოში რან გიდორს, ისრაელის საგარეო საქმეთა სამინისტროს სამხრეთ კავკასიის და აზიის დეპარტამენტის დირექტორს, ქალბატონ მიქალ ჰეშკოვიცს და ქართული არასამთავრობო ორგანიზაციების წარმომადგენლებს ფუკუიამას დემოკრატიის ფრონტისპირა ცენტრის ოფისში, Stamba Hotel-ში უმასპინძლა.

შეხვედრის ფარგლებში მხარეებმა საქართველოსთვის ევროკავშირის წევრობის კანდიდატის სტატუსის მინიჭებასთან დაკავშირებით ევროკავშირის საბჭოს მოსალოდნელი გადაწყვეტილების, ევროკომისიის რეკომენდაციების, ოლიგარქიზაციის პრობლემისა და საქართველოს ევროპული მომავლის განხორციელების პროცესში დეოლიგარქიზაციის გადამწყვეტი მნიშვნელობის შესახებ ისაუბრეს.