English | Follow us
ჩვენი გუნდი
დავით ჭკადუა – EPRC-ის საპატიო პრეზიდენტი
დავით ჭკადუა არის EPRC-ის (ეკონომიკური პოლიტიკის კვლევის ცენტრის) ერთ–ერთი დაამაარსებელი და დირექტორი (2002-2006). მან დაამთავრა თბილისის სახელმწიფო უნივერსიტეტის მათემატიკის ფაკულტეტი და ასპირანტურის განყოფილება. არის ტოკიოს სახელმწიფო ადმინისტრირების ეროვნული ინსტიტუტის მაგისტრი ეკონომიკური მოდელირების სპეციალობით. ამასთანავე, მიიღო ამსტერდამის უნივერსიტეტის ბიზნესის ადმინისტრირების სკოლის მაგისტრის ხარისხი ფინანსისტის სპეციალობით. არის EPRC-ის საერთაშორისო კვლევითი პროექტების ორგანიზატორი. მიღებული აქვს კვლევითი გრანტები მსოფლიო ბანკიდან, ლონდონის ეკონომიკის სკოლიდან (LSE) - საქართველოსათვის ეკონომიკის პროგნოზირების, CGE-ის მოდელის შექმნისათვის. არის არაერთი სამეცნიერო ნაშრომის ავტორი და საერთაშორისო ექსპერტი. მუშაობს ამსტერამში (ING) ბანკის რისკების მენეჯმენტის დეპარტამენტის ხელმძღვანელად.
ნინო ევგენიძე – აღმასრულებელი დირექტორი
ნინო ევგენიძე 2004 წლიდან შემოუერთდა EPRC–ის გუნდს. 2004 წლიდან იგი ხელმძღვანელობს EPRC–ის პროექტების წარმატებით მიმდინარეობას. აქვს სახელმწიფო და არასამთავრობო სექტორში მოღვაწეობის მრავალწლიანი გამოცდილება. სხვადასხვა დროს მუშაობდა სახელმწიფო კანცელარიაში - ეკონომიკური რეფორმების ცენტრში მრჩევლად, საქართველოს ანტიკორუფციული პოლიტიკის საკოორდინაციო საბჭოს საზოგადოებასთან ურთიერთობის სამსახურის უფროსად. ამასთანავე, იყო ევროპის საბჭოს საპარლამენტო ასამბლეის მონიტორინგის მისიების მედია კოორდინატორი. 2013 წელს ნინომ დაამთავრა სტენფორდის უნივერსიტეტის დემოკრატიისა და განვითარების პროგრამა. მსოფლიო ბანკის სტიპენდიით დაამთავრა გაერთიანებული ვენის ინსტიტუტის ეკონომიკური პოლიტიკის მართვის ფაკულტეტი. (ავსტრია, ვენა). მიღებული აქვს დიდი ბრიტანეთის მთავრობის სასწავლო სტიპენდია (Chevening Fellow) და მიენიჭა ეკონომიკური პოლიტიკის მართვის მაგისტრის ხარისხი (LSE). ნინო ფლობს ფილოლოგიის მეცნიერებათა დოქტორის ხარისხს თბილისის ივანე ჯავახიშვილის სახელობის უნივერისტეტიდან. ამას გარდა, არის ჰოლანდიის მთავრობის სტიპენდიანტი (Nuffic Fellow) და მიიღო დიპლომი საერთაშორისო პროექტების მენეჯმენტის სპეციალობით მაასტრიხტის უნივერსიტეტიდან. მას აქვს USAID-ის, OSGF–ის, SIDA–ს და სხვა საერთაშორისო ორგანიზაციების მიერ დაფინანსებულ პროექტებში ექსპერტად მუშაობის მრავალწლიანი გამოცდილება.
ირინა გურული –დირექტორის მოადგილე
ირინა ეკონომიკური პოლიტიკის კვლევის ცენტრში 2011 წლიდან მუშაობს. მას აქვს ადგილობრივ და საერთაშორისო არასამთავრობო ორგანიზაციებში მუშაობის 15 წლიანი გამოცდილება, რაც მოიცავს საერთაშორისო დონორი ორგანიზაციების მიერ დაფინანსებული პროექტების მართვას, კვლევით, მონიტორინგის, ტრენინგის და ადვოკატირების კუთხით მუშაობის გამოცდილებას. აკადემიური საქმიანობის კუთხით, 2015 წლიდან ირინა არის ილიას სახელმწიფო უნივერსიტეტის დოქტორანტი სტუდენტი და მიწვეული ლექტორი. ირინას დამთავრებული აქვს იონშოპინგის საერთაშორისო ბიზნეს სკოლა (შვედეთი), სადაც მან მიიღო მაგისტრის ხარისხი ბიზნესის ადმინისტრირებასა და ეკონომიკაში. თბილისის სახელმწიფო უნივერსიტეტში ირინას მიღებული აქვს ბაკალავრის ხარისხი ინგლისური ენის სპეციალისტის კვალიფიკაციით. ირინა არის აშშ-ს სახელმწიფო დეპარტამენტის მომავალი ლიდერების გაცვლითი პროგრამის (FLEX) გამარჯვებული.
ანდრო გიგაური - განვითარების დირექტორი
Andro Gigauri joined EPRC in 2018. Andro is a lawyer and has a Master’s Degree in Public Policy. He has been working on public service and law enforcement reforms in Georgia, Ukraine, Kyrgyzstan and Armenia. Andro served as a Chief of Administration at the Ministry of Justice of Georgia (2010-2012) and as a Deputy Chief Prosecutor (2012). He founded Georgia’s Crime Prevention Center under the Office of Chief Prosecutor (2012). The Center is tasked to study crime statistics and victimization data. It awards grants to NGOs for projects, aiming to decrease crime level and to close existing safety and security gaps in communities.

Andro was a member of the working group, which developed juvenile diversion and mediation mechanism - an alternative to incarceration for children. Currently, the program counts over 1,800 participants and resulted in less than 4% of recidivism rate. Previously, Andro served at USAID (2005-2008), covering public service reform. He managed human and institutional capacity development programs targeted at government institutions. Andro co-managed assistance to Civil Registry Agency project, which led to development of Public Service Halls.

Currently, Andro is engaged with development of Ukraine’s National Anti-Corruption Bureau - a corruption investigation agency. Andro teaches a one year long course on Public Policy Analysis at the Liberal Arts School of Free University in Tbilisi. He also consults UNICEF in Ukraine. Andro is a founder of Institute for Non-Violent Communication. Currently, the Institute is piloting a Safe School Project and a Financial Literacy Project at secondary schools.
ლაშა დოლიძე - უფროსი მკვლევარი
ლაშა დოლიძე ეკონომიკური პოლიტიკის კვლევის ცენტრს 2006 წელს შემოუერთდა. მას აქვს სოფლის მეურნეობის განვითარების მიმართულებით სხვადასხვა საერთაშორისო ორგანიზაციებში მუშაობის გამოცდილება. ლაშა იყო USAID-ის მიერ დაფინანსებული ეკონომიკური აღმავლობის ინიციატივის სოფლის მეურნეობის კომპონენტის ხელმძღვანელის მოადგილე. მუშაობდა პროექტის მენეჯერის თანაშემწედ CNFA საქართველოს სოფლის მეურნეობის განვითარების პროექტში, რომელიც ათასწლეულის გამოწვევის კორპორაციის მიერ იყო დაფინანსებული. მანამდე, ის ხელმძღვანელობდა სოფლის მეურნეობის პოლიტიკის კომპონენტს USAID-ის მიერ დაფინანსებული AgVantage პროექტში, სადაც ის პასუხისმგებელი იყო სოფლის მეურნეობის განვითარების სტარტეგიის შემუშავებაზე საქართველოს სოფლის მეურნეობისა და სურსათის უვნებლობის სამინისტროსათვის. ლაშა იყო ეკონომიკური რეფორმების ცენტრისა და სახელმწიფო კანცელარიაში პრეზიდენტის კაბინეტთან არსებული ინვესტიციების მოზიდვის საბჭოს მრჩეველი. ის ფლობს განვითარების ეკონომიკის მაგისტრის ხარისხს უილიამის კოლეჯიდან, აშშ.
თამარ ხორბალაძე - განათლების მიმართულების მენეჯერი
თამარი EPRC-ის გუნდს 2004 წელს შემოუერთდა. წლების განმავლობაში იგი იყო ორგანიზაციის პროექტების კოორდინატორი და ექსპერტი. დამთავრებული აქვს თსუ ჟურნალისტიკის ფაკულტეტი, ასევე შვედეთის მედიის უმაღლესი სკოლის (FOJO) გადამზადების კურსები; ვენის IMFის ინსტიტუტის კურსი აღმოსავლეთ ევროპის ქვეყნებისთვის ბიუჯეტირებაში; გავლილი აქვს როიტერის ტრენერების ტრენინგი; მიღებული აქვს მონაწილოება აშშ საზოგადოებრივი კავშირების პროგრამაში. 1995 წლიდან მუშაობდა გაზეთ "დრონში", "24საათში", საზოგადოებრივი მაუწყებლის საინფორმაციო სამსახურში, ჟურნალ "ტაბულაში", რადიო "მწვანე ტალღაში". იყო ეკონომიკური მიმომხილველი, ეკონომიკის განყოფილების რედაქტორი, საინფორმაციო სამსახურის აღმასრულებელი პროდიუსერი, გადაცემის წამყვანი. წლების განმავლობაში ასწავლიდა თბილისის სახელმწიფო უნივერსიტეტში ბიზნეს-ჟურნალისტიკას. ასევე იყო UNDP-ის მიწვეული ტრენერი საზოგადოებრივი დამცველისა და მედია-პროგრამებში;  ამჟამად ასწავლის თსუ-ში და ილიას სახელმწიფო უნივერსიტეტში, ასევე არის თსუ (ივანე ჯავახიშვილის სახელობის თბილისის სახელმწიფო უნივერსიტეტი) სამეცნიერო პოპულარული ჟურნალის "თსუ მეცნიერება" მთავარი რედაქტორი.
შოთა ღვინერია - უსაფრთხოების მიმართულების მენეჯერი
შოთა ღვინერია ეკონომიკური პოლიტიკის კვლევის ცენტრს შეუერთდა 2017 წლის სექტემბრიდან. 2001 წლიდან მას ეკავა სხვადასხვა თანამდებობები საქართველოს საჯარო სამსახურში. ბოლო პერიოდში ის მსახურობდა ეროვნული უშიშროების საბჭოში მდივნის მოადგილის თანამდებობაზე. მანამდე ის მუშაობდა უსაფრთოების პოლიტიკასთან და ნატო-ში ინტეგრაციასტან დაკავშირებულ საკითხებზე საქართველოს საგარეო საქმეთა სამინისტროს საგანგებო დავალებათა ელჩის პოზიციაზე. წინა პერიოდში შოთა ასევე მუშაობდა საქართველოს თავდაცვის მინისტრის მრჩევლიად.

2010-2014 წლებში შოთა ღვინერია იყო საქართველოს საგანგებო და სრულუფლებიანი ელჩი ნიდერლანდების სამეფოში. საგარეო საქმეთა სამინისტროში მას ასევე ეკავა ევროპულ საქმეთა დეპარტამენტის დირექტორის და ნატო-ს სამმართველოს თანამდებობები. 2006-2008 წლებში შოთა მივლინებული იყო მრჩევლად ნატო-ში საქართველოს მისიაში.

2015 წელს შოთა ღვინერიას მიენიჭა აშშ-ს ეროვნული თავდაცვის უნივერსიტეტის უსაფრთხოების სტრატეგიულ სწავლებათა მაგისტრის ხარისხი. 2005 წელს ის გახდა მადრიდის დიპლომატიური აკადემიის საერთაშორისო ურთიერთობების მაგისტრი. მანამდე, შოთამ საქართველოს ტექნიკური უნივერსიტეტში მოიპოვა საჯარო მოხელის მაგისტრის წოდება.
გიორგი ბაქრაძე - უფროსი მრჩეველი კვლევით საკითხებში

გიორგი ბაქრაძე 2014 წლის ნოემბრიდან შემოუერთდა ეკონომიკური პოლიტიკის კვლევის ცენტრის (EPRC) გუნდს . EPRC-ში მოსვლამდე იგი მუშაობდა უფროს მრჩევლად ISET-ის პოლიტიკის ინსტიტუტში. 2003-2007 წლებში და 2010 წლიდან იგი მუშაობს საქართველოს ეროვნულ ბანკში როგორც მკვლევარი მაკროეკონომიკურ საკითხებში, კვლევითი განყოფილების ხელმძღვანელი, ხოლო 2010 წლის მაისიდან იგი ხდება საქართველოს ეროვნული ბანკის პრეზიდენტის მრჩეველი მაკროეკონომიკურ საკითხებში. არის უილიამის კოლეჯის ეკონომიკური განვითარების ცენტრის მაგისტრი ეკონომიკის სპეციალობით (2003 წ.) გიორგი გახლავთ ჯორჯთაუნის უნივერსიტეტის პროგრამების კურსდამთავრებული 2007-2010 წლებში. მიღებული აქვს აგრეთვე თბილისის ივ. ჯავახიშვილის სახელობის სახელმწიფო უნივერსიტეტის ფიზიკის მეცნიერებათა ხარისხი (1996 წ.) და გახლავთ ცენტრალური ბანკის თანამშრომელთათვის გამართული არაერთი კურსის თუ სემინარის (Bank of England, Swiss National Bank, Joint Vienna Institute, IMF Institute, და ა.შ.) მონაწილე. გიორგის აქვს სამთავრობო სექტორში მუშაობის დიდი გამოცდილება ხოლო 2012 წლიდან იგი აქტიურად თანამშრომლობს არასამთავრობო სექტორთანაც. ამავე დროს მას გააჩნია დონორების მიერ დაფინანსებულ პროექტებში მუშაობის გამოცდილებაც, დაიწყო რა თავისი კარიერა ამ სფეროში თბილისის მუნიციპალური სერვისების განვითარების მსოფლიო ბანკის პროექტში (1997-2000 წწ). მისი ინტერესები ეკონომიკის ფარგლებსაც სცდება. იგი გახლავთ საქართველოს ტელევიზიის ინტელექტუალური შოუს წარმატებული მონაწილე და არაერთი ადგილობრივი თუ საერთაშორისო პრიზის მფლობელი.
ნინო ღვინაძე - წამყვანი მკვლევარი
ნინო ღვინაძე ეკონომიკური პოლიტიკის კვლევის ცენტრს 2013 წელს შემოუერთდა. მისი სპეციალიზაციის სფეროებია საერთაშორისო უსაფრთხოება და განვითარების ეკონომიკა. 2012-2013 წლებში ნინო ედმუნდ მასკის სტიპენდიანტი იყო პატერსონის დიპლომატიისა და საერთაშორისო ვაჭრობის სკოლაში და სტაჟირება გაიარა ატლანტიკური საბჭოს ევრაზიის ცენტრში, ვაშინგტონში. ნინოს კვლევებისა და საერთაშორისო განვითარების სფეროში მუშაობის მრავალწლიანი გამოცდილება აქვს. იგი სხვადასხვა დროს მუშაობდა აღმოსავლეთ დასავლეთის მართვის ინსტიტუტში, ეროვნულ დემოკრატიულ ინსტიტუტსა და საერთაშორისო კვლევისა და გაცვლების საბჭოში; ასევე იყო საერთაშორისო ურთიერთობების ასოციაციისა და თავდაცვის კვლევის საერთაშორისო ცენტრის პროექტების მკვლევარი. ნინო გამოცდილია საერთაშორისო დონორების მიერ დაფინანსებული მრავალწლიანი პროგრამების შემუშავებასა და მართვაში, ასევე არასამთავრობო ორგანიზაციების ინსტიტუციური განვითარების საკითხებში. მისი ინტერესთა სფეროებია ეროვნული უსაფრთხოება, ენერგეტიკა და ენერგო პოლიტიკა, საჯარო პოლიტიკა და პოლიტიკური პარტიები. ნინოს მაგისტრის ხარისხი აქვს მიღებული პატერსონის დიპლომატიისა და საერთაშორისო ვაჭრობის სკოლიდან, ხოლო საერთაშორისო ურთიერთობების ბალაკავრის ხარისხი თბილისის სახელმწიფო უნივერსიტეტიდან. მან ასევე გაიარა სოციალური და პოლიტიკური ტრანსფორმაციის პროგრამა ტარტუს უნივერსიტეტში, ესტონეთში.
ნატო პოპიაშვილი - უმცროსი მკვლევარი
ნატო პოპიაშვილი ეკონომიკური პოლიტიკის კვლევის ცენტრის (EPRC) გუნდს 2015 წლის მაისში შემოუერთდა. ამჟამად მუშაობს უმცროსი მკვლევარის პოზიციაზე და აქტიურად არის ჩართული მიმდინარე პროექტებში. ნატომ დაამთავრა ილიას სახელმწიფო უნივერსიტეტი და მოიპოვა ბიზნესის ადმინისტრირების მაგისტრის ხარისხი. ასევე, ფლობს სოციალურ მეცნიერებათა ბაკალავრის ხარისხს შავი ზღვი საერთაშორისო უნივერსიტეტიდან, მისი სპეციალიზაციის სფეროა ბიზნესი და ეკონომიკა. 2017 წელს ERASMUS+ პროგრამის ფარგლებში სწავლობდა ავსტრიაში ბურგენლანდის გამოყენებითი მეცნიერებების უნივერსიტეტის ბიზნესის სამაგისტრო პროგრამაზე. 2013-2014 წელს მონაწილეობდა სტუდენტურ გაცვლით პროგრამაში და სწავლობდა პორტუგალიაში, ბრაგანსის უნივერსიტეტის (IPB), ტექნიკური მეცნიერებებისა და ბიზნეს მენეჯმენტის სკოლაში. 2013 წლის დასაწყისში წარმატებით დაასრულა სტაჟირების პროგრამა აზიის ბანკის სათავო ოფისის CRM დეპარტამენტში (სტამბოლი, თურქეთი).
ია შაოშვილი - ოფისის მენეჯერი/ადმინისტრაციული ასისტენტი
ია ეკონომიკური პოლიტიკის კვლევის ცენტრის (EPRC) გუნდს 2017 წლიდან შემოუერთდა . მას საქართველოს საჯარო და კერძო სტრუქტორში მუშაობის 12 წლიანი გამოცდილება აქვს. მათ შორის საფინანსო ორგანიზაციებში, კერძოდ: სს „პრივატ ბანკში“ და შპს მისო „ევრო კრედიტში“ ია 6 წლის განმავლობაში მუშაობდა სხვადასხვა პოზიციებზე, ხოლო, საჯარო სექტორში, კერძოდ, საქართველოს თავდაცვის სამინისტროს გენერალურ ინსპექციაში მუშაობის პერიოდში ია ჩართული იყო საქართველოს პარტნიორ ქვეყნებთან ორმხრივი თანამშრომლობის გეგმების შემუშავება-განხორციელების პროცესში. ეკონომიკური პოლიტიკის კვლევის ცენტრში ია ორგანიზებას უწევს ოფისის გამართულ მუშაობას და ასრულებს ადმინისტრაციულ სამუშაოს, ასევე ჩართულია სხვადასხვა პროექტებში და კვლევებში.
ნიკოლოზ მიქელაძე - ფინანსური მენეჯერი
ნიკოლოზი 2007 წლიდან EPRC-ის ფინანსური მენეჯერია. მან დაამთავრა თბილისის ივანე ჯავახიშვილის სახელობის სახელმწიფო უნივერსიტეტი. ნიკოლოზს მრავალწლიანი საფინანსო/საბუღალტრო გამოცდილება აქვს, იგი მუშაობდა სადაზღვევო კომპანია "ტაოს" მთავარ ბუღალტრად.